Parrocchia B. V. M. Madre della Divina Provvidenza - Gruppo Giovanissimi
|
Canti alla Madonna | Canti di Natale | Canti latini e gregoriani | Altri Canti |Salve Mater misericordiae
Salve, Mater misericordiae,
Mater Dei et Mater veniae,
Mater spei et Mater gratiae,
Mater plena sanctae laetitiae, o Maria!
Salve, decus humani generis,
Salve, Virgo dignior ceteris,
quae virgines omnes transgrederis
et altius sedes in superis, o Maria!
Salve, felix Virgo puerpera,
nam qui sedet in Patris dextera
caelum regens, terram et aethera,
intra tua se clausit viscera, o Maria!
Salve, Mater misericordiae,
Mater Dei et Mater veniae,
Mater spei et Mater gratiae,
Mater plena sanctae laetitiae, o Maria!
Te creavit Pater ingenitus,
obumbravit te Unigenitus,
foecundavit te Sanctus Spiritus,
tu es facta tota divinitus, o Maria!
Te creavit Deus mirabilem,
te respexit ancillam humilem,
te quaesivit sponsam amabilem,
tibi numquam fecit consimilem, o Maria!
Salve, Mater misericordiae,
Mater Dei et Mater veniae,
Mater spei et Mater gratiae,
Mater plena sanctae laetitiae, o Maria!
Te beatam laudare cupiunt
omnes iusti, sed non sufficiunt
multas laudes de te concipiunt,
sed in illis prorsus deficiunt, o Maria!
Esto, Mater, nostrum solatium,
nostrum esto, tu Virgo, gaudium,
et nos tandem, post hoc exsilium,
laetis iunge choris caelestium, o Maria!
Salve, Mater misericordiae,
Mater Dei et Mater veniae,
Mater spei et Mater gratiae,
Mater plena sanctae laetitiae, o Maria!
| Home | Webmaster | Info | Parrocchia |